Pregunta 5 · Lingua Galega e Literatura II PAU Galicia Extraordinaria 2023

5. Contextualice o texto na época literaria correspondente e identifique e explique dúas características da obra, recorrendo sempre a exemplos tirados do propio texto. Sinale e explique brevemente outras dúas obras representativas de autores diferentes da mesma época literaria que Vicente Risco. (Extensión aprox. 250 palabras)

Solución: Contextualización: Vicente Risco, membro do Grupo Nós (primeiro terzo do século XX), xunto con Otero Pedrayo e Castelao, creadores da narrativa moderna en galego (revista Nós, Seminario de Estudos Galegos, Irmandades da Fala). Características do fragmento (0,5 cada unha): animalización dos personaxes para ridiculizalos (as mans de Baldomero García como «gadoupas» «para apaña-las cadelas»); enumeracións na descrición; personaxes da burguesía como protagonistas para criticar esta clase; humor negro («curtindo os sabañóns, enzoufado no aceite e no bacallao», «feito de cordas e sarmentos») e crítica ao materialismo dos comerciantes foráneos («viñera de Castela»). Outros autores e obras: Otero Pedrayo (Os camiños da vida, Arredor de si), Castelao (Cousas, Retrincos).