Pregunta 4 · Artes Escénicas PAU Galicia Extraordinaria 2023

PREGUNTA 4

Sitúe a obra no seu contexto histórico e literario. Explique os procesos necesarios para o deseño da posta en escena do texto que segue, detallando as particularidades das distintas fases que permiten materializar o espectáculo / Sitúe la obra en su contexto histórico y literario. Explique los procesos para el diseño de la puesta en escena del texto que se adjunta, detallando las particularidades de las distintas fases que permiten materializar el espectáculo. [5 puntos]

Na tirapuxa os papeis caen ao chan. Nese momento entra ROSA, moza nova, criada do hostal. EDUARDO, tranquilo pero atento, arreda un pouco e segue a escena nun segundo plano. DON EDUARDO, como descolocado, queda quieto.

ROSA: Que ten, don Aduardo?

DON EDUARDO: E que hei de ter?

ROSA: Non sei. Está como... como raro.

DON EDUARDO: Raro, raro, raro... Que teño de raro? Teño catro brazos? Dúas cabezas...? (Logo de amainar.) Cantas veces che teño dito que chames antes de entrar?

ROSA: Dona Arminda di que se pensa baixar a comer.

DON EDUARDO: Estou ben aquí.

ROSA: A pregunta non é se está ben ou mal, é se vai baixar ou non.

DON EDUARDO: Non.

ROSA: E esa cama?

DON EDUARDO: Que lle pasa?

ROSA: Deixeina feita de mañá e mire como ma ten!

DON EDUARDO: Eu non fun.

ROSA: Eu non fun, eu non fun. Que fai, coma os nenos?

DON EDUARDO: Que eu non fun!

ROSA: Non che digo! (Axeitando de novo a cama.) Despois dona Arminda bérrame a min.

DON EDUARDO: Este é o meu cuarto!

ROSA: Iso dígollo a ela.

DON EDUARDO: Pois claro que llo digo!

ROSA: Chámolla, daquela? Dona Arminda!

DON EDUARDO: Non, non! Déixaa estar! Déixaa estar, que...

ROSA: Ah! Quen ten cu ten medo.

DON EDUARDO: Esa boca!

ROSA: Que boca? Eu da boca nada dixen, don Aduardo. Do que falei foi do cu.

DON EDUARDO: E dálle!

ROSA: Élle un dito da miña terra. Quen ten cu...

DON EDUARDO:...ten medo. Pero non é o caso.

ROSA: E a min que se me fai que si.

Fragmento de Fillos do sol, de Cándido Pazó.