Ejercicio B1.3 · Lengua Vasca y Literatura II PAU Navarra Extraordinaria (Modelo A) 2023

B Aukera

Esperientzia zoragarria da barnetegia (Irene Moreno, Aurizberri, 1974)

1 Txikitan pixka bat ikasi bazuen ere, gaztetan heldu zion euskara ikasteari Irene Morenok. Bost urte daramatza

Pirinioetako AEKn, Garraldako euskaltegian 1. Egun, B2 maila egiten ari da, eta, behar ez duen arren, azterketa

egin berri du, “nire maila neurtu nahi dudalako”.

Nola iritsi zinen euskarara?

5 Nire herrian, txikia nintzenean, ez zegoen euskara ikasteko aukerarik. Eskolan, A eredua besterik ez zegoen. Gure

aitak, herriko gurasoekin batera, 4 eta 5 urteko umeentzako ikastola sortu zuen, legez kanpo. Ondoren A ereduan

sartzen ginenez, gaztelaniaz ikasi nuen nagusiki; euskara irakasgaietako bat zen eskolan. Hogei urterekin hasi

nintzen berriro euskara ikasten. Iruñeko Hizkuntz Eskolan eman nuen izena, B1 mailan sartu ninduten, baina ez

nengoen eroso. Maila altua zen niretzat, eta utzi egin nuen. Iruñean 20 urtez bizitzen egon eta gero, etxera itzuli

10 nintzen, eta umea izan nuenean pentsatu nuen nahitaez ikasi behar nuela harekin euskaraz mintzatzeko.

Zergatik erabaki zenuen euskara ikastea?

Alde batetik, etxean aldeko giroa zegoelako. Gurasoek ez zekiten euskara, baina gustuko zuten euskal kultura...

eta aitarentzat oso-oso garrantzitsua zen euskara ikastea. Bestetik, beste gazteak euskaraz egiten ikusten

nituenean, ikasteko gogoa sentitzen nuen. Hala, semea jaio zenean, AEKn hasi nintzen, Garraldan, eta oso-oso

15 gustura nago.

Zer izan da zailena zuretzat?

Nahiz eta oso berritsua 2 eta ausarta 3 izan, ikasi den guztia erabiltzea da zailena niretzat. Hau da, ez naiz nire

erosotasun eremutik 4 irteten. Ikasi dudana erabiltzeko eta hanka sartzeko ausardia handixeagoa falta zait. Ezin

berritsuagoa naiz, eta euskaraz egin behar badut... aurrera! Nire erosotasun eremuan, hori bai.

20 Aholku bat emango diguzu euskara erraz ikasteko?

Betikoa: lotsa baztertu eta poliki-poliki aurrera joan, duda guztiak alboratuz. Horrez gain, beste ikasle batek eta

nik, beheko mailetan, hitz batzuk gogoratzeko antzeko hitzak bilatzen genituen euskaraz eta erdaraz: zenuten

gogoratzeko, adibidez, “cenutrio”. Horrelakoak, auskalo zenbat! Bi urte eman nituen pentsatzen kutsadura “caja

fuerte” zela; hau da, kutxa “dura”, gogorra. Hitzak ikasteko, pertsona ezagunekin lotzen ditut. Esate baterako,

25 “haiek” ageri bada, nire lagunak direla pentsatu ohi dut. Oso arraroa da, badakit, baina baliagarria da.

Aizu! 2021/06/07, https://www.aizu.eus/zelan-euskaraz (MOLDATUA)

(1) euskaltegia: euskara ikasteko akademia. (2) berritsua: asko hitz egitea gustuko duena. (3) ausarta: valiente, audaz, decidido/a. (4) erosotasun eremua: zona de confort.

B1.3.- Berridatzi esaldi hauek (1 puntu):

a)

“Txikitan pixka bat ikasi bazuen ere” (1)

Nahiz eta -n.

b)

“... behar ez duen arren” (2)

arren.

c)

“... etxean aldeko giroa zegoelako” (12)

d)

“... Ikasi den guztia erabiltzea da zailena” (17)

e)

“... hitz batzuk gogoratzeko” (22)

-tzearren.