Ejercicio A3.1.1 · Lengua Vasca y Literatura II PAU Navarra Ordinaria (Modelo D) 2026

A3.1.1 Irakurri ondoko pasartea, eta egin iruzkin bat hiru galdera hauek erantzunez: (120-180 hitz)

1. Identifikatu autorea eta obra, eta kokatu garaiko testuinguruan.

2. Identifikatu narratzailea eta pertsonaiak, eta lotu pasartearekin.

3. Esan eta argudiatu, testuari erreferentziak eginez, zer gai jorratzen den pasarte honetan, eta azaldu nola lantzen den gaia liburuan.

Somorrostrora joan gintezke lenbizi.

Bizkaira esatera ninjoan, baño damutu egin zait; bada Bilbotik itxasoruntz goazela ezker aldetik dauden erriak etziruditen Bizkaikoak. Toki aietan Bizkai barrutik agiri dan zeru garbirik ezta ikusten; Gernika, Durango ta Markiñako ibarretan daukagun pake ta txukuntasunik ezta billatzen; etxeko izkuntza maitearen durundi gozorik ezta iñon sumatzen.

Nerbion ibai zabala, ibai ospetsua, Euskalerriko ibai guztien ibaia da, denok dakigu. Bere gañean daukazki, Bilbotik asi ta Portugaleteraño, erridi askotako itxasontzi sendoak; [...] eta batez ere burni oien sorrerako labe goriak, berebiziko lantegirik andienak, sua ta garra, autsa ta ke lodia borborrean zerua illuntzeraño jaurtigiaz; antxen dakusgu jantzi loi, izerdi usai ta begirune gaiztoko langille zikin zetakaz beteak eta bertan entzun litezke uri andi baten indar, almen ta bizitza erakusten duten gizadi marmarretak, malluen danbatekoak, itxasontzien turruntak, tximist-gurdien txintxiñak eta sugurdi azkarren tipirri taparra luze adoretsuak.

Nerbion inguruari Euskalerriko alderdia baño Londresko auzotegia obeto deritzat.