Pregunta 1 · Fundamentos Artísticos PAU Galicia Ordinaria 2022

1.1. Sitúe os dous artistas no seu contexto histórico (económico, social, cultural...). / Sitúe los dos artistas en su contexto histórico (económico, social, cultural...).

Solución: Contexto histórico de John Constable (1776-1837): Revolución industrial en Gran Bretaña (1760-1840), desenvolvemento da máquina de vapor e profundos cambios sociais e económicos, transformación do medio rural fronte á crecente urbanización. Contexto histórico de Claude Monet (1840-1926): Francia do século XIX e inicios do XX; Revolución de 1830, Segundo Imperio e Terceira República; expansionismo imperialista francés (norte de África, Alxeria); intensificación da industrialización; consolidación das novas clases sociais (burguesía e proletariado); grandes transformacións urbanas (Plan Haussmann en París) e Exposición Universal de París de 1889 (Torre Eiffel).

1.2. Determine a traxectoria artística de ambos. / Determine la trayectoria artística de ambos.

Solución: John Constable: Pintor e paisaxista romántico inglés; renovador do xénero da paisaxe mediante a observación directa da natureza, a pintura ao aire libre e os bosquexos ao óleo con gran dinamismo lumínico e atmosférico, considerado un dos antecedentes directos do impresionismo. Claude Monet: Pintor impresionista francés; líder do movemento a partir da súa obra 'Impression, soleil levant'; centrado no estudo sistemático dos efectos da luz e a cor en series de paisaxes e arquitecturas nas distintas horas do día e estacións, pintadas maioritariamente ao aire libre ('plein air') con pincelada solta e fragmentada.